الفرج المنتظر

الفرج الذي انتظره هو جهادا في سبيل الله تحت رايه لا إله الا الله .. محمدٌ رسولُ الله .. جهادا حق الجهاد اقاتل واقتل في سبيل الله مقبلاً غير مدبرا ولا مديونا
اتسائل دائماً … كيف ارضي بميته اقل من ميته في سبيل الله في ليله شديده البروده اصبح بها عدو الله كما قال خالد بن الوليد رضي الله عنه وجمعنا به في الفردوس الاعلي
خالد …
تسعون معركةً مرت محجلةً .. من بعد عشرٍ بنانُ الفتح يحصيها
هو خالدٌ في سبيل الله مشعلها .. هو خالدٌ في سبيل الله مذكيها
ما نازل الفرسٓ الا خاب نازلهم وما رمي الروم الا طاش راميها
صحابة رسول الله صلي الله عليه وسلم في جوع وشده وعطش في الجهاد يقومون الليل ويصومون النهار ويتلون كتاب الله ويجاهدون في سبيل الله

يارب فابعث لنا من مثلهم نفراً يشيدون لنا مجداً فقدناه

كيف لا وانا اتذكر حديث رسول الله صلي الله عليه وسلم :
 لِلشَّهِيدِ عِنْدَ اللَّهِ سِتُّ خِصَالٍ : يُغْفَرُ لَهُ فِي أَوَّلِ دَفْعَةٍ ، وَيَرَى مَقْعَدَهُ مِنْ الْجَنَّةِ ، وَيُجَارُ مِنْ عَذَابِ الْقَبْرِ ، وَيَأْمَنُ مِنْ الْفَزَعِ الْأَكْبَرِ ، وَيُوضَعُ عَلَى رَأْسِهِ تَاجُ الْوَقَارِ ، الْيَاقُوتَةُ مِنْهَا خَيْرٌ مِنْ الدُّنْيَا وَمَا فِيهَا ، وَيُزَوَّجُ اثْنَتَيْنِ وَسَبْعِينَ زَوْجَةً مِنْ الْحُورِ الْعِينِ ، وَيُشَفَّعُ فِي سَبْعِينَ مِنْ أَقَارِبِهِ)
كيف لا وانا اعلم حديث رسول الله صلي الله عليه وسلم :
عن جابر بن عبد الله بن حرام رضي الله عنهما قال:لقيني رسول الله صلى الله عليه وسلم فقال لي: يا جابر؛ ما لي أراك منكسراً؟ قلت: يا رسول الله استشهد أبي، قتل يوم أحد وترك عيالاً وديناً، قال: أفلا أبشرك بما لقي الله به أباك، قال: قلت: بلى يا رسول الله، قال: ما كلم الله أحدا قط إلا من وراء حجاب، وأحيا أباك فكلمه كفاحاً، فقال: يا عبدي تمن علي أعطك، قال: يا رب تحييني فأقتل فيك ثانية، قال الرب عز وجل: إنه قد سبق مني أنهم إليها لا يرجعون، قال: وأنزلت هذه الآية: وَلاَ تَحْسَبَنَّ الَّذِينَ قُتِلُواْ فِي سَبِيلِ اللّهِ أَمْوَاتًا بَلْ أَحْيَاء عِندَ رَبِّهِمْ يُرْزَقُونَ.

نصائح قبل السفر

القريفاني

اطلبوا الحاجات بعزه نفس فان بيد الله قضائها .. الارزاق بيد الله عز وجل فمتزلش نفسك لحد حتى لو ده هيقطع عيشك هيا ديتها ايه يعني موته ؟؟ حكالى عن حد يعرفه كان فرد أمن ف مكان ما فالسعوديه واعطوه تعليمات انه يعدي ناس معينه وناس لا .. مهم من ضمن الناس اللى ممنوع يعديهم كان شيخ سعودي مفروض رتبه كبيره أصر ميعديهوش وعمل مشكله قاله انت متعرفنيش انا ممكن اطيرك برا البلد قاله مهما كان انا بنفذ تعليمات .. مهم انه الراجل وقت فرحه ف مصر جه الشيخ ده يحضر فرحه لانه اصبح صديقه واعجب بموقفه انه اصر ع رأيه دون خوف

حكالى عن موقف حصله ف تركيا انه مع بياع بعد ما اقنعه يشترى هدوم وقعد يكلمه بالعربى ويقوله انه مسلم وساعده فالترجمه للبياعين الاتراك فارتاحله وحس فالبدايه انه   كويس وفجأه سحبه لمكان المحل فلقي نفسه ف منطقه مقطوعه وهيتثبت ولولا انه تجرأ وطلب البوليس بعد ما هدد البياع وقاله هدبحك 🙂 لو حد اتعرضلى مكنش طلع سليم

خالى محمد :
هنصحك ب ٣ حاجات :
الاولى انك تستغل البلد المباركه اللى رايحها وتتق الله فان كنا ف مصر مقصرين فى ديننا بحجه تضييق الامور من الدوله فانت ذاهب الى دوله تقدس الشعائر الدينيه .. الثانيه في ناس سافرت ورجعت مديونه وده يخليني اقولك لو كده مكنتش طلعت م الاول .. ركز ع هدفك واعمل نفسك وخليلك رصيد وانجاز تحققه م الغربه .. الثالثه عندما خرج موسي من قومه قال الحمدلله الذي اخرجنى من هذه البلده الظالم اهلها ويقول اهل النار ربنا أخرجنا منها فان عدنا فانا ظالمون .. 🙂 هذه مصر و توكل على الله

مهندس محمد عمر :
متقلقش خالص ما الشغل وطبيعته انت اشتغلت ف حاجات اعقد وده كلها شهرين تلاته وهتبقي كويس جدا فيه وهنا الشغل محتاج همبكه وانت عيل صايع ومقطع السمكه وديلها زي ما بيقولوا انا عارفك .. البلد احسن الف مره من مصر وانت بنفسك مش هتفكر تمشي .. مممن تترقى بسرعه هنا ف سنك ممكن تبقى مدير عادي خالص مهم تثبت نفسك .. انت هنا زى حمدي اخويا وانل معاك ف اى حاجه ..

خالى احمد :
ربنا هيفتحها عليك باذن الله حط ف ذهنك ان اللى الخطوط العريضه اللة هتبدأ بيها حياتك هنا هتستمر معاك فاعمل لنفسك ورد يومي للقرآن ومتفوتش صلاه فالمسجد بالذات الفجر .. اعملك حساب باادولار ف مصر وحدد لنفسك مبلغ ثابت تصرفه كل شهر والباقى حوله . متخليش البنجلاديشيين ياخدوا عليك فالشغل انت مهندس فعاملهم كذلك لكن الفلبينيين والهنود اغلبهم محترمين جدا  خلى الشركه توثقلك الجواز ف الغرفه التجاريه ولو ينفع متخليش الجواز معاهم ياريت بس بدون مشاكل لان فى قرار جديد م الملك بس مبيطبقوهوش انه ااباسبور يفضل معاك .. كلمهم يدوك سياره مكان بدل السكن ولو هتاخد سكن فتره يستحسن تاخده مش مفروش ولو اشتريت سرير وتليفزيون ودولاب وشويه حاجات بسيطه افضل ..

م. بشير القواسمي
تغيير المكان كل سنتين تقريبا احري ان يرفع راتبك
اذا لم تتيسر امورك فاعلم ان الله اختار لك الخير
جده بها جاليه مصريه كويسه ومدينه رائعه
السعوديه سوق واسع للمجالات الهندسيه والتسويقيه
ليس من الحكمه ان تستمر فى السفينه وانت تراها تغرق لتكون اخر الناجين
سانتظر مكالمتك بعد شهر لتقول لى انك فى جده

محامي
حاول تاخد جنب م المصريين هناك

جدى عبدالفتاح خطاب
اختك ترعاها فهى قدرك ولن يكون لها غيرك فانت الاقرب اليها وهى ملزمه منك
و بعد ست تمن شهوروبعد ما تستقر ابقى جيبلي جلبيه لونها سماوى
كنت قاعد مع جدي فى سهره حلوه فبيقولى الراجل موقف .. وفالغالب الموقف اللى بيظهر معدنه بيكون مادي .. حتى لو فكر يتلون ويجيبها يمين ولا شمال ويحبك الحكايه مش هيغير من انطباعك ولا طبعه.. الراجل كلمه .. والدين لازم يتكتب اذا تداينتم بدين الى اجل مسمي فاكتبوه .. وصيغه وصل الامانه دي ناس كتير فاهماها غلط .. مفروض يبقى اطرافها ٣ مش اتنين .. وحكالى آيه “وان من اهل الكتاب من ان تأمنه بقنطار يؤده اليك ومنهم من ان تأمنه بدينار لا يؤده اليك الا ما دمت عليه قائما” القنطار من الذهب والدينار قيمته لا تساوي شئ كبير.. وحكى “الا ان تكون تجاره حاضره تديرونها بينكم” يعني لو فى ثقه وكل يوم التجاره بتدور فكتر الكتابه هيبقى مرهق . الا ان الاصل الكتابه وحكالى مواقف من سنين مطبوعه ف ذاكرته منها الكويس والوحش .. قالى خلى كلمتك سيف ولا تغيرها
سلمي
خلى بالك من مصاريفك عشان انا عارفاك

خالتى سهام
تزوج سعوديه وخد الجنسيه

حسن عثمان
استودعك دينك ودنياك وخواتيم اعمالك

شعير
اسكن ف مكان محترم واوضه كويسه ونزه نفسك وف لبسك ع الآخر حاجات بسيطه تخلى نفسيتك مظبوطه عشان تشتغل بنفس

والدي مهندس خالد امين
انت رايح بلد غريبه والغريب ضعيف قول شكرا وحاضر ومتعملش مشاكل
ركز ع الهدف اللى انت رايح من اجله وهو انك تكون نفسك وتعمل قرشين تتجوز بيهم ولو هتعمل  مشروع خاص بيك
حاول ترد اى دين عليك اول باول مش لازم من اول شهر بالتدريج واعلم ان ابوك وامك بس هما اللى ممكن يدوك بدون انتظار مقابل غير كده اى حد بيعطيك بينتظر المقابل
انوى العمره وخش السعوديه وانت معتمر
يقول احد المليونيرات : انني اصرف ما تبقي من مدخراتي وليس ادخر ما تبقي من مصروفاتي
حاول تفهم ان المجتمعات مختلفه عن بعض فالعادات والتقاليد والمتاح والمظهر وتفهم كده وانت راجع اجازه مثلا متحطش ف ذهنك انه قالب يسرى ف اى مكان اللحيه والجلبيه القصيره متاحه هناك عادى فالشغل وغيره لكن ف مصر لا وهكذا

جدى الشيخ عبدالفتاح
حكالى انه كان شغال موظف فالسكه الحديد ومكنش يقبل ع نفسه قرش حرام .. ف فتره كانت العملات الصغيره زي التعريفه خلاص انتهت ع مستوي الجمهوريه ف حين ان التذاكر مازالت بنفس الاسعار القديمه يعني مثلا ٥ جنيه وتلاته تعريفه وهكذا .. دى كانت تخلى الموظف ياخد شلن بدل ٣ تعريفه .. ع اخر اليوم كال موظف بيسلم الايراد بالظبط والباقى بيضربه ف جيبه ده ممكن يوصل ل ١٠٠ جنيه او اكتر فاايوم ف حين ان مرتب الموظف ٧٨ جنيه فالشهر .. ع مسنوي الجمهوريه الموظفين بياكبوا حرام .. هوا الوحيد كان يسلم الزايد بورقخ رسميه اسمها زيادات دى معموله اساسا عشان لو اخطأ احد الزباين مثلا ومخدش ااباقى بتاعه فلو رجع سأل الدوله تسلمهوله .. طبعا ممكن الموظف يقعد سنه كامله ميسلمش غير زياده واحده او اتنين ف حين ان جدى كان يسلم يوميا ما يقرب من ٣٠٠ جنيه .. مهم اتشكلت لجنه من ٥ وكلاء وزاره وجم م القاهره ل الاقصر وعملوا معاه حوارر كبير يقنعوه بانه يضربها ف جيبه لان تغيير الكسور فالتذاكر محتاج قرارات تترفع لرتب وهيئات ومجلس شعب عشان يرفعها للرئاسه تأشر عليها وبعدين تتنشر فالجريده الرسميه ..  قالى هما متوقعوش رد فعلى ولباقتى ف الكلام  واصراري ع رأيي .. مجرد ما رجعوا اصدروا قرار بتغيير الاسعار وده عمل سيط كبير لاسم الشيخ عبدالفتاح بتاع الاقصر وامانته اللى بيعامل ضميره وربه سبحانه وتعالى عن غيره . .. حكالى برده عن خبير المانى راح يشتري تذاكر كان من ضمنها طفلته اللى عندها  .. فبيسأل جدي انه كان قرا ف كتيب السكه الحديد انه لو الطفل سنه ١٠ سنوات فبيدفعله تذكره كامله الا ان استفساره كان بخصوص هل ال ١٠ سنوات دي من وقت الحجز ام من وقت السفر لان بنته هتكمل ١٠ سنوات ويوم ف معاد السفر .. قاله انا بعامل ضميري ..
قالى ف نهايه كلامه استودعك دينك ودنياك وخواتيم اعمالك ..

احمد نصارى
ضع فى نيتك دراسه العلم الشرعي البسيط كالعقيده وفقه العبادات
انوي بطلب الرزق والبركه فهذه البلاد مباركه واعلم انك ستزداد فيها ويرتفع شأنك بمرور الوقت عكسيا مع ذنوبك ومشاكلك مع اهلك الرزق كثير فلا تشيل هم اكلك وشربك نهائي واعتمر وحج وربنا يوفقك وادعيلنا بزوجه صالحه ورزق طيب

محمود نصارى :
استعينوا علي قضاء حوائجكم بالكتمان فان كل ذي نعمة محسود وحاول تعدد نواياك فالسفر ولا تفتتن و Don’t trust anyone

احمد بركه</st
ياسيف اللى انت تعرفه ما تعرفوش لحد دلوقتى يعنى اقصد اللى انت عارفه ف شغﻻنتك دى ما تعلموش لحد دلوقتى خليك انت بس الكويس مؤقتا لغاية ما تعرف الناس كويس عشان عندك بيكون فى ناس ممكن تسرق مجهودك وخلى بالك م الفلاحين بتوع بحرى وفى ناس بتسجل لبعض وتحسس الناس كانك بدوق الاكل فخليك حذر وربنا يكرمك

احمد سلوم
   خلاص مسافر بكره يا جزمه مش عارف اقولك ايه هو خير طبعا بس انت هتفرق معانا الحاجه الوحيده اللي مصبرانا ان دي رغبتك ..  يعني واحد في سنك لسه معملش حاجه انت زيرو رصيد مفروض واحد زيك تكون بدأت تخطب.. ربنا يوسع رزقك .. هتحن لاسوان وايام الكليه .. ولا القاهره وال mie .. بلاش اقلب عليك المواجع عشان انا عيل نكد بس انت وبتحن للبلاد دي متنساش اسراء الطويل اخر مره وهي بتاخد منك الهديه و اخر مره شفناها في ال mie. وافتكر الالاف المعتقلين اللي لو بقيت هنا ممكن تحصلهم وافتكر ان البلد دي مش بتاعتنا بتاعه السيسي بتاعه الجيش بتاعه الداخليه بتاعه النيابه بتاعه الناس اللي فوق .. افتكر انك ممكن تكون من الاوائل وتعتقل او تقتل او يشغلوك ب 600.  .. مفيش نصيحه اقولهالك بعد الكلام اللى اتقالك من اهلك بس كل الكلام اللي اتقالك يؤدي الي اللهم لا عيش الا عيش الاخر  وكلمه السعاده مذكرتش في قران غير مره واحده وهي الذين سعدوا ففي الجنه خالدين .. خليك دايما متذكر اللهم لا عيش الا عيش الاخره .. ولنا عوده .. استودعك الله الذي لا تضيع ودائعه ..

راحـــــــــــــــــــــــــــــــــــــــــل

لحظه عندما اقتربت توقفت عندها الدموع واصطدم فيها القلب بسكونه .. فلا الفرحه المنتظره حلت ولا النظره المستقبليه ابصرت
10/6/2015
سأرحل واسأل الله التوفيق وحسن النيه كما قال صلى الله عليه وسلم ” من كانت هجرته الى الله ورسوله فهجرته الى الله ورسوله”
أسأل الله ان يغفر لى ما مضى ويبلغنى رمضان ويرزفنى عمره وحجه مقبوله ويرزقنى الجهاد والاستشهاد فى سبيله

وأسأل الله علما نافعا وعملا متقبلا

ليله ف القسم وصباحيه ف النيابه

هيا الحقيقه experience مش وحشه 🙂  .. العربيه ميتسوبيشى لانسر موديل 2009 .. لسه نازله من مينا السويس من اسبوع وورق الافراج الجمركى بتاعها مخلصش .. الصح انه المفروض تتركن تحت البيت لغايه اما تترخص ويطلعلها لوحات .. حتى متعملهاش ترخيص مؤقت نمشى بيها عالارض .. فهى حته حديد ماشيه عالارض واللى هيبقى راكبها يا سارقها يا سارقها 🙂 .. خدتلى بيها كام مشوار وقلت انزل امونها ف ارمنت واخلص كام مشوار وارجع .. واذا بالنور قاطع ف البلد واول ما شغلت نورها لقيتنى ف لجنه .والظابط  بيقلى على جنب وقبل اى حاجه اطلع ب 2000 جنيه .. ورخص العربيه ورخصك  ضحكت 🙂
قلتله ولا انا معايا رخصه ولا العربيه مترخصه .. قالى موقفك صعب .. مهم خدنى على جنب وقالى معاك كام ؟ قلتله حسبه 500 .. واحد سواق سمعنى ميل عليا وقالى اوعى تدفع 500 طبعا .. هوا انت موقفك صعب فعلا بس الظابط ده يوم ما بيسترزق بياخدله 20 – 30 جنيه .. بكتيرها ممكن توصل 70
مهم انا بدأت ارجع ف كلامى .. الموضوع استفزه واتعفرت وقالى انا اسمى سامى بيه .. قلى سامى بيه .. ضحكت وسكت .. امين شرطه واخدله نجمه شرفيه بقت تكيفه قوى كلمه بيه لدرجه انها عملت منه بنى ادم براس كلب .. ولا حول ولا قوه الا بالله .. مهم استفزه قوى انى مقلتلوش يا بيه .. قلتله طيب ننجز بس عشان الطريق واقف .. قالى انا هنا ملك الطريق .. قلتله طيب مفيش 2000 جنيه ..  قالى كده مفيش حل غير يتعملك مذكره فالقسم .. قلتله تعالى جنبى وبينا عالقسم .. اما دخلنا القسم اشتكانى انى عرضت عليه رشوه .. المشكله ان تليفونى كان فاصل شحن .. لغايه اما عملت مكالمه هوا كان مضى عالمحضر وخلع .. شحنت التليفون من امين شرطه اعرفه وبعدها عملت مكالمه .. اتحرك مدير الامن ورئيس المباحث .. كلموا المأمور وغيرهم بيسألوا على سيف اللى جاياله مكالمه توصيه ” ومن هنا تيقنت يعنى ايه معنى اللى عنده ضهر ميتضربش ع بطنه ” بس جايز الضهر مكنش ناشف شويه واضطريت ابات ف القسم  بس الى حد ما كويس فده مخلانيش ابات ف الحجز وكنت بايت ع كرسى جنب الظابط النوبتجى .. مهم اتصاحبت عليهم وفجأه النور قطع واستمعتلهم .. واحد قال الوضع ده ميتسكتش عليه الوضع ده عايز ثوره 🙂 اه والله .. قال انا فالبيت النور اما جه جيت اشغل المكيف الصحراوى لقيت الميا قاطعه .. سبيت للسيسى والبلد .. مهو اللى ميرتاحش ف بيته مش هيعرف يشتعل الصبح 🙂 والحقيقه صدق قوى ف دى 🙂  ..  التانى بقى مسك بطاقتى وقالى العنوان : النهضه الاسلاميه .. اسوان واسمك سيف الله .. انت كده اخوانى صرف 🙂 وقعد يحكى انه جايب عربيه زيها وقضيناها رغى ع موديلات العربيات للصبح ..  الصبح وانا رايح النيابه بدون كلبشات طبعا  .. ماشى محترم وبيقولى معلش يا بشمهندس اصل ظابط المرور ده ابن … عاملى فيها شريف ابن ال.. انا عايز أمشيك والله بس المرور هيئه واحنا هيئه وهوا لازم ييجى يعمل تصالح وكانت الساعه 12 بالليل ف قضى الامر .. العربيه اتحجزت وانا اتعرفت ع اصدقائى المتهمين اللى واحد منهم اتمسك ف سلاح خرطوش .. واحد بلغ عنه والتانى بيتجددله 15 يوم من شهر واحد عشان مراته مقدمه فيه بلاغ انه مدالهاش عفشتها كلها وبيحلف انها خدت كل حاجه حتى الدهب ..وقدمت فيه بلاغ انه سرق الدهب .. بيقلى المفروض انه كان هيفرج عنه ف اليوم ده واتفاجئ انه عليه شهر حبس قديم .. بسبب غرامه موتوسيكل والسبب انه المحامى كان محتاج منه 100 جنيه عشان يقدمله على طعن .. ومكنش ف جيبه غير 90 جنيه فالمحامى خدها وقاله الموضوع خلص لكن للاسف حطها ف جيبه وبسبب 10 جنيه هيتحبس كمان شهر ” أه يا مصر”
اتعرضنا عالنيابه جه الكاتب قالى انت سيف قلته ايوه قالى وصوا وكيل النيابه عليك 🙂  .. واادانى اخلاء سبيل .. القصه المستفاده انه مصر بلاااااااااااااعه كبيره .. وهتفضل بلاعه ..
والمشكله ان العربيه لسه محجوزه لحد دلوقتى 😦 صعبانه عليا حاطينها ف الشمس ولاد الوسخه .. معلش بقى يا خالتى عالبهدله دى .. بس اهه كله يهون اهم حاجه الصحه 🙂
تحيا مصر

مالكم كيف تحكمون

عندما نتحدث عن صدق الوعد  فاننا امام كلام رب العزه فى قوله تعالى

”  لَّيْسَ الْبِرَّ أَن تُوَلُّواْ وُجُوهَكُمْ قِبَلَ الْمَشْرِقِ وَالْمَغْرِبِ وَلَـكِنَّ الْبِرَّ مَنْ آمَنَ بِاللّهِ وَالْيَوْمِ الآخِرِ وَالْمَلآئِكَةِ وَالْكِتَابِ وَالنَّبِيِّينَ وَآتَى الْمَالَ عَلَى حُبِّهِ ذَوِي الْقُرْبَى وَالْيَتَامَى وَالْمَسَاكِينَ وَابْنَ السَّبِيلِ وَالسَّآئِلِينَ وَفِي الرِّقَابِ وَأَقَامَ الصَّلاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُواْ وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ أُولَـئِكَ الَّذِينَ صَدَقُوا وَأُولَـئِكَ هُمُ الْمُتَّقُونَ

فالمحاوله جاهداً ان تفى بوعدك بقدر الامكان ليس بالامر السهل ولا الهين  لذلك جاءت والصابرين معطوفه عليها للتنبيه الى ان ما سبق مطيه الوصول اليه هو  “الصبر” ..
ولكن الوفاء  بالعهد يلزمه استيفاء شروطه .. العهد يوجد من طرفين تعاهدا على كذا، لكن قد يستطيع أحدهما العطاء ولا يستطيع الآخر الرد.
والعقد يوجد بين طرفين أيضاً، أحدهما يعطي ويأخذ، والآخر يعطي ويأخذ. 
فكيف اللوم على الوفاء بالعهد اذا اختلت شروطه ؟؟
الله عز وجل عادل ورسوله صلى الله عليه وسلم لا ينطق عن الهوى 
اللهم اجعلنا ممن يوفون بعهدهم ما استوفت الشروط واعصمنا من الجفاء والكبر وضيق الأفق فى التفكير والحكم ع الامور

ثمة خذلان لا يغفر

حبيبتى .. انا لا يغرينى هوسك وجنونك بملابسك ، نظارتك ، مفاتنك  .. فتلك  نرجسيه قاسيه على من تستعبده .. حبيبتى انا لا يهمنى اى موسيقى تعشقين بل عشقك المفرط لها يؤلمنى وانت تدرين  .. أحببت فيكى أجمل من ذلك كله .. احببت فيكى طبيعتك ..ملامحك ..  شخصيتك خارج هذا الاطار .. اصرارك . قوتك .. أحببت حبك .. وكرهت تفاهتك فالاولى تبعدك وتستعبدك والثانيه تجلبك وتقربك والثالثه كذبك الذى سطر حماقتك وكان سبب خسارتك

لو لم تصدقى فانظرى الى صورتك وقت لقائنا وصورتك وقت  خلوتك

أختم باثنتين لا تتهمينى فى عشقى .. ولا تتهمينى فى غيرتى .. فانا رجل وانا مسلم

عبقريه عمر … كتاب تاريخى عبقرى بامتياز

قرأت فى هذا العام أفضل الكتب فى حياتى عبقريه عمر

وفيه دونت :
” وكان هذا الرجل يحب ويكره كما يحب الناس ويكرهون ، ولكن لا ينفعك عنده أن يحبك ولا يضرك عنده أن يكرهك اذا وجب الحق ووضح القضاء . قال يوماً لأبى مريم السلولى قاتل أخيه : ” والله لا أحبك حتى تحب الأرض الدم المسفوح ! فقال له أبو مريم : أتمنعنى لذلك حقاً ؟ قال : لا. قال لا ضير ! انما يأسى على الحب النساء.
وحسبك من اسلام يحمى الرجل من خليفه يبغضه وهو عليه قادر ، فذلك المسلم الشديد فى دينه ، والذى يشتد فيأمنه العدو والصديق”

” وكفى من كلماته الداله عليه أن نذكر أنه كان بحب أن يعرف الشر كما يعرف الخير
لأن ” الذى لا يعرف الشر أحري أن يقغ فيه ” ، وأنه كان يحب أن يعرف الأعذار كما يعرف الذنوب حيث يقول ” أعقل الناس أعذرهم للناس ” ، وأنه هو القائل ” أحترسوا من الناس بسوء الظن” ، وهو القائل مع ذاك ” أظهروا لنا أحسن أخلاقكم والله أعلم بالسرائر ” يوفق بين هذين القولين بين سهر الحاكم الذى لا ينبغى أن تخفى عليه خافيه ، وبين عدل القاضى الذى لا ينبعى أن بحكم بغير بينه ظاهره .
وكثيراً ما قال ” أخوف ما أخاف عليكم اعجاب المرء برأيه ”
وقد كان رضى الله عنه كما وصف نفسه ” ليس بالخب ولكن الخب لا يخدعه ” والخب هو المخادع .
وهذا هو الحد الفاصل احسن الفصل بين الدهاء المحمود والدهاء المذموم ، أو بين الفهم الصحيح والخبث القبيح. فهناك فطنه تسئ الظن لأنها تعرف الشرور التى فى طبائع الناس ، وفطنه تسئ الظن لأنها تشعر شعور السوء ، والفرق بينهما عظيم كالفرق بين الخير والشر والمحمده والمذمه . فالفطنه الأولى حسنه والفطنه الثانيه خلق ردئ ، وانما كان عمر رضى الله عنه بالفطنه الاولى معصوما من ان يخدع غيره أو ينخدع لغيره”

فـأحرار العرب كلهم “غيور” .. ولكنك اذا قلت “العربى الغيور” فكأنما سميت عمر بن الخطاب لأنه طبع هذه الصفه القوميه بطابعه الذى لا يشبهه فيه غيره ، فكان الغيور بين الغيوريين.
قال أكبر أصدقائه وأكبر العارفين به محمد صلى الله عليه وسلم ” ان الله غيور يحب الغيور ، وان عمر غيور”
وتحدث الى صحبه يوماً وعمر فيهم فقال ” بينما أنا نائم رأيتنى فى الجنه ، فاذا امرأه تتوضأ الى جانب قصر ، فقلت : لمن هذا القصر ؟ فقالوا : لعمر .
فذكرت غيرته فوليت مدبراً .. فبكى عمر وقال كالمعتذر : أعليك أغار يا رسول الله ؟ ”
وكانت هذه الغيره معروفه مخشيه بين جميع من يعرفونه ويسمعون بطباعه ، والنساء من باب أولى يعرفنها ويعهدنها ويتقينها كما لم يتقينها قط من غيره.
أستأذن على النبى يوماً وعنده نساء من قريش يكلمنه ويستكثرنه عاليه أصواتهن ، فلما استأذن عمر قمن يبتدرن الحجاب. فدخل والنبى يضحك .. قال عمر : أضحك الله سنك يا رسول الله .. كأنه يسأله عن سبب ضحكه . فقال عليه الصلاه والسلام : عجبت من هؤلاء اللاتى كن عندى لما سمعن صوتك ابتدرن الحجاب
قال عمر: فأنت يا رسول الله كنت أحق أن يهبن . ثم التفت اليهن يقول: أى عدوات أنفسهن! أتهبننى ولا تهبن رسول الله صلى الله عليه وسلم؟
قلن – ولا يخذل المرأه لسانها فى هذا المقام – : نعم أنت أغلظ وأفظ من رسول الله !
وحسبك من غيرته أنه هو الذى أشار على النبى بحجاب أمهات المسلمين ، وكان يري احداهن فى الظلام ذاهبه لبعض شأنها فيقول لها : عرفتك يا فلانه! ليريها انها بحاجه الى مزيد من التحجب . وقد ضجرت احداهن منه لهذا فقالت له : وانك علينا يا ابن الخطاب والوحى ينزل فى بيوتنا ؟
على أن الغيره فى ابن الخطاب لم تكن غيره مقصوره على المرأه وكفى ، بل غيرته على المرأه لم تكن الا شطراً من غيرته على كل حرم وحوزه.
‫#‏عبقريه_عمر رضى الله عنه
‫#‏العقاد

“نعم كانت الرحمه من صفاته التى وازنت فيه العدل أحسن موازنه .. فما عهد فيه أنه احب العدل لغضه من الأقوياء المعتدين ، كما كان يحبه لنجدته الضعيف المعتدى عليه.
ولا يمنعن ذلك انه كان خشن الملمس صعب الشكيمه جافياً قى القول اذا استغضب واستثير ، فليست الشكيمه نقيضاً للرحمه ، وليست النعومه نقيضاً للقسوه . وليس الذين لا يستثارون ولا يستغضبون بأرحم الناس. فقد يكون الرجل ناعماً وهو منطو على العنف والبغضاء ، ويكون الرجل خشناً وهو أعطف خلق الله على الضعفاء ، بل كثيراً ما تكون الخشونه الظاهره نقاباً يستتر به الرجل القوى فراراً من مظنه الضعف الذى يساوره من قبل الرحمه. فلا تكون مداراه الرقه الا علامه على وجودها وحذراً من ظهورها.
ومن المألوف فى الطبائع أن الرجل الذى يقسو وهو معتصم بالواجب قلما ينطبع على القسوه ، ولا سيما اذا كان الواجب عنده شيئاً عظيماً يزيل كل عقبه ويبطل كل حجه ، ويقطع كل ذريعه. فهو انما يعتصم بالواجب قى هذه الحاله كما يعتصم الانسان بالحصن المنيع كلما خشى أن تقتحم عليه طريقه ، ولولا خوف الرحمه أن تغلبه لما كانت به حاجه الى ذلك الحصن المنيع ولا سيما حين يكون حصناً بالغاً فى المنعه كما كان الواجب عند عمر بن الخطاب.
أرأيت هذا الرجل الصارم الحازم قاسياً قط الا باسم واجب أو فى سبيل واجب ؟

” وكان النبى ضلى الله عليه وسلم يعلم ان احتمال التبعه أو “المسؤليه” خليق بأن يبدل أطوار النفوس فى بعض المواقف والأزمات فيجنح اللين الى الشده ويجنح الشديد الى اللين لأننا اذا قلنا ان رئيساً أصبح يشعر بالمسؤليه فمعنى ذلك انه أصبح يراجع رأيه فلا يستسلم لأول عارض يمليه عليه طبعه ولا يقنع باللين أول وهله اذا كان من دأبه اللين ولا بالشده أول وهله اذا كان من دأبه الشده ومن هنا ينشأ الأختلاف بين موقف الرجل وهو مسؤل وموقفه وهو غير مسؤل “

كان يعلن هذه الخطه على المنبر فيقول : ” أظهروا لنا أحسن أخلاقكم والله أعلم بالسرائر .. ، فان من أظهر لنا قبيحاً وزعم أن سريرته حسنه لم نصدقه ، ومن أظهر لنا علانيه حسنه ظننا به حسنا “

واختم ب
” وفى الاخلاق الاجتماعيه لا يؤمن التقاطع بين الاصدقاء اذا جرت العلاقه بينهم على التجسس والخدعه ، ولا رعايه للموده ما لم تكن رعايه للحرمات / ومنها الأسرار”

والتفرقه بين الواجبات المختلفه هى دليل البصيره فى عرفان كل واجب منها ، وأنها تصدر عن رأى أصيل ولا تصدر عن تسخير العرف واملاء التقليد والمحاكاه ‫
#‏عمر رضى الله عنه
‫#‏عبقريه_عمر
‫#‏العقاد

 فهذه الكلمات تذكرنى كلا منها بموقف مر على فى هذه السنه .. فكل كلمه لازمت مرحله

فكره من ضمن الافكار

انا قررت انى ف كل موقف حلو يعدى عليا اصور فيه دقيقتين فيديو سواء اتكلم فيه أو اصور حاجه حلوه شايفها

بتبقى ذكره اروع م الصور والكلام المكتوب
#حقيقه
بس كده
🙂

ثق بالله

افضل تعريف للذات انا لست افضل من احد ولست كأي احد ولست اقل من احد|
……………………………..
الشئ الوحيد الذي املكه حقاً ولايستطيع ان يأخذه احداً مني او يتحكم به، هو نظرتي للحياة، لذا انا دائماً
استمتع بالحياة ……………………………..

كلمات اجعلها نبراسا في حياتك *لا تجعل سعادتك فى تصفيق الآخرين لك، فالآخرون يغيرون آرائهم كل يوم *لا تمشِي أبداً على الطريق المرسوم لأنه يقودك حيث ذهب الآخرون *افعل الصواب بصوتٍ هادئ، غداً يتحدث عملك عنك بصوتٍ عال *يغدو الرجل حكيما عندما يفهم مقدار جهله *التنافس مع الذات أفضل تنافس في العالم
……………………………..
منقول عن :

Zeyad Taher

Abdelrahman

بسم الله الرحمن الرحيم

” واتقوا يوماً ترجعون فيه إلى الله ثم توفى كل نفسٍ ما كسبت وهم لا يظلمون”

………………….

عبد الرحمن .. لا اعرف سوى هذا الاسم من وراء الكيبورد والفيسبوك .. عبد الرحمن الذى لا اعلم حتى أسم والده ..
كل ما بينى وبينه مكالمه هاتفيه و10 دقائق على الشات بنحكى ف انه عمل مشروع تخرج عن فكره جديده وهى انه يشحن الموبايل بالموجات .. وان فى الدكتور المشرف استغل الفكره وعرضها باسمه على الجامعه اليابانيه .. وقالى ان الجامعه اليابانيه حددت تصرف مليون جنيه لاكتمال المشروع باسمها .. ” نعم .. نحن نهان وتنتهك حققونا ونسرق عينى عينك وبنسكت ”
”
,,,,,,,,,,,,,,,,,,,,,,,,,,,,,,,,
قلتله هنتقابل قريب ان شاء الله فى الجمعه اللى سبقت يوم 6 اكتوبر 2013
جاء يوم 6 اكتوبر وانا كنت ف مدخل ميدان التحرير على سبيل انى سمعت ان فى مظاهرات هتطلع وده على ما اتذكر كان يوم احد وكان فى مسخره ونجاسه ف التحرير والمتظاهرين برا بيتضربوا بالغاز والرصاص والخرطوش والبلطجيه ف كل حته .. نجوت انا واسلام وابن
خالى عبدالرحمن فى اليوم ده بفضل الله وطلعنا بعد معاناه
………………………………………………
لقيت على النت بعدها بيومين ان عبد الرحمن اللى اتعرفت عليه من يومين اتصاب فى رمسيس من 6 اكتوبر وهو فى مستشفى الدمرداش محجوز ف العنايه المركزه … عرفت ان حالته خطيره .. فهو اتضرب ب 5 طلقات خرطوش م البلطجيه فى جمجمته والفرد مصوب على    رأسه مباشرةً … وقتها الجنب اللى كان مصاب فيه كان عاجز تماما عن الحركه
ذهبت لزيارته فى المستشفى ورغم ان الزياره كانت ممنوعه لانه كان موضوع على جهاز التنفس الصناعى الا انى لما رحت تصادف انهم هينقلوه من غرفه العنايه لغرفه الاشعه الطبيه .. انا لا اعرف حتى شكله .. فهو مر جنبى بالسرير بيزقوه وانا مكنتش اعرف حد ف اهله حتى او صحابه …

مستشفى الدمرداش الحديث عنها يحتاج ايام وايام .. من أسوأ ما رأيت من مستشفيات للحكومه المصريه
لا اجد غير ” حسبى الله ونعم الوكيل”
المرضى فى الارض لعدم توفر اماكن العنايه زى الزفت المرضى كتير والاصابات كتير
اعلم تمام العلم ان ده شئ هين جداً بالنسبه لما حدث فى فض رابعه والنهضه وما يحدث كل يوم حتى الان فى الاستهانه بالمواطن
” والله سنسأل عن كل هذا الظلم والفساد اللى شايفينه وساكتين ”
اللهم نجنا يا ارحم الراحمين وارحمنا وثبتنا عند السؤال وان كان لنا فى العمر بقيه فاحسن اوقاتنا لصد ظلم أو لنشر علم
……………………
عرفت انه عبد الرحمن بعد انتظار قدام الغرفه اتعرفت خلالها بمحمد طنطاوى صديقه وكان معاه يوم الضرب .. وكمان محمد نجم من العاشر .. تعرفت على والده ووالدته .. واخوه محمود
ما شاء الله كانوا قمه فى الثبات وكانت والدته بتقراله قرآن ..
………………..
تابعت اخوه بالتليفون وعرفت بعدها ب10 ايام تقريباً انه تم نقله الى مستشفى عين شمس التخصصى .. خدمه انضف بكتير فى مقابل مادى كبير الى حد ما … 30 يوماً لعبد الرحمن وهو لا يشعر بما حوله .. .. مش قادر يفتح عينه … مش قادر يتكلم … مش قادر يتحرك كان فى غيبوبه كامله …

اذكر انى بت معه ليلتين فى المستشفى  كان والده واخوه واحياناً طنطاوى اللى بيقعد معاه كمرافق
من افضل واصعب اللحظات اللى مرت عليا ف حياتى

” أسأل الله أن يجمعنا تحت ظله يوم لا ظل الا ظله ”
كنت بتابع والده واخوه ووالدته بالتليفون وأشعر جداً بالتقصير ناحيته فانا كنت ف القاهره وكنت اقدر اقعد معاه اكتر ..
ومرت الايام وسافرت اسوان بدأت شغل وفرقتنا الايام وتوالت الاحداث والظروف والايام وكأن جوانا شخص اسود ينسى
………………..
. اتصل بيا حد من رقم غريب وبيهزر ف بدايه المكالمه وبيقلى مين معايا ..
عبدالرحمن لسه عايش الحمدلله وبقى احسن وبيتحرك وبتكلم كويس ورجع زى الفل ..
بيقلى الظلم ف البلد طغى .. وحكالى اللى حصل معاه بالتفصيل .. قالى انه كان بيقول لوالدته انه مكنش عايز يعيش وكان حاسس اثناء مرضه انه خلاص … بس الحمد لله ربنا كتبله عمر جديد .. بيقى ده ابتلاء من الله عز وجل عشان كنت بعيد عن ربنا الفتره اللى عدت ومكنتش محضر هقابله ازاى لعلى هذه الحاله .. اللهم لك الحمد
فرحت جداً بمكالمته .. وفرحت جداً انى اتعرفت على شخصيات من ” الرجال “

………………..

اللهم ارزقنا حبك وحب من أحبك وحب كل عملٍ يقربنا الى حبك
اللهم ارزقنا القبول فى الارض وارزقنا شهاده فى سبيلك ترضى بها عنا وترفع بها درجاتنا فى الجنه
اللهم ارزقنا اصدقاءاً من الرجال .. واجعلهم لنا قدوه حسنه .. واجعلنا جسراً تعبر الناس به الى الجنه ولا تجعلنا جسراً يقذف به فى النار