شكرٌ واجب

جويلية 16, 2013 by saif's world أضف تعليق

جدى وجدتى الغاليان .. أكتب اليكم هذا الكلام وأنا أعلم يقيناً أن ما سأقوله لن يوفى ولو جزء بسيط من حقكما علىُّ
فبكم تأدبت ومنكم تعلمت وعلى ايديكم ترعرعت حتى وصلت الى ما أنا فيه
فاليوم تخرجت وأصبحت مهندساً فبعد فضل الله تعالى فضلكم
ربيتمونى على البر والاحسان وعلى الصدق وقول الحق ، أجريتم فى عروقى كرات من الكرم ممزوجةُ  بالدم
علمتمونى أن الاحسان هو الهدف المراد فى كل شئ
انتم من أخذتم بيدى ويد أختى وأمى ، كنتم خيرُ عائلٍ ومعين
معكم قضيت أجمل ذكريات فبعدد سنين عمرى حتى الآن عشت معكم
فاليوم أعتذر لكما عن تقصيرى ..
وأشكركم على عطائكم الفياض
……………………………………………
جدى الغالى ..  أذكر لك مواقف محفورةُ فى ذاكرتى لن أنساها
كنا نستنى اللحظه بتاعت كل أسبوع عشان تاخدنا وتفسحنا ف الاقصر تودينا النادى والملاهى ونرجع نتمشى على الكورنيش وعلى الرغم ان كوبرى الاقصر كان اتعمل الا انك كنا نعدى بالعباره عشان نتفرج ع النيل والسفن
مش هنسى اليوم اللى خدتنى فيه للحلاق وميلت عليه وقلتله ف ودنه .. زيرو 😀
كان عندى خمس سنين وقعدت ابكى وأول ما شفت كيس الشيبسى قعدت أضحك ولا كأن حاجه حصلت 😀
عمرى ما هنسى لما كنت ف رابعه ابتدائى وكنت تقولى هديك خمسه جنيه على كل 50 كلمه تحفظها بالانجليزيه ، ساعتها جمعت مبلغ محترم 😀
جدتى .. مش هنسى لما كنتى بتمنعينا م التليفزيون أيام الامتحانات والدعوات اللى كنا بناخدها ليل نهار ولغايه دلوقتى بتصل بيكى
قبل كل  أمتحان الصبح عشان تدعيلى والحمدلله فى كل دعوه بحس بالتوفيق من الله عز وجل
المواقف كتيييييييير والذكريات كتييييييير ..
…………………………………………………………..
أسأل الله العظيم رب العرش الكريم  أن يغفر لكما ويبارك لكما
“رب أرحمهما كما ربيانى صغيرا”